Skip to content
基本資料

基本資料

乜嘢係愛滋病病毒?-

愛滋病病毒嘅學名係「人類免疫力缺乏病毒」。感染咗佢,免疫系統就無法除掉這個病毒,亦即係代表一生人都會同這個病毒並存。

愛滋病病毒能夠長時間潛伏在人體裡面,並攻擊免疫系統嘅CD4淋巴細胞。時間越長,愛滋病病毒就破壞越多CD4淋巴細胞,使身體不能抵抗外來嘅感染同疾病。這時,愛滋病病毒感染已經進入最後階段,亦就係人所共知嘅愛滋病。

然而,即使受咗感染,如果能夠喺發病之前接受適當治療,其實亦可以同其他人一樣,擁有正常嘅壽命。

乜嘢係愛滋病?-

愛滋病嘅學名係「後天免疫力缺乏症」,係愛滋病病毒感染已經進入最後階段嘅時候,換句話說,其實唔係所有人感染愛滋病病毒都會進入這個病發階段。一旦進入這個階段,免疫系統已經嚴重受損,更加容易引致各種不同嘅感染,即係所謂「機會性感染」。在香港,如果有一個或者多個機會性感染如肺囊虫肺炎,結核和真菌感染,或某些惡性腫瘤出現,即係話你已經病發成愛滋病患者。所以,只有接受愛滋病治療先至係延緩病發嘅唯一方法。

有啲咩病徵?-

大多數感染者多年來都可以無任何病徵,看起來亦健康正常。即使有病徵出現,亦都會根據個人體質和處於唔同嘅疾病階段而有所不同。